"L’entrar na cárcel siempre me produz una disyuntiva na que me golpea esa frase que tantes vagaes glayé siendo más moza, y quiciabes más valiente, a la vera les muries cuando sabíamos d’abusos que se cometien dientro… y aun pensando nesi “abaxo les muries de les prisiones, nun puedo dexar de dir, d’entrar, cada vagada que soi invitada, aunque solo seya pa recodame a mi mesma que “nun tamos toes falten les preses”.
Nesta ocasión fuí de la mano d’Ángeles Muñiz Cachón y Teresa Marcos como invitada, xunto al director de cine Luis Trapiello y "la mujer del hatillo gris”, a compartir esi Cuscús que me fizo pásalo perbien nes alderiques.
Mi intriga transformose n’ilusión cuando ante un aforo de más de cincuenta muyeres, presentaronme como la primer muyer invitada que proyecta nel “rincón del cine”. Dalgunes, de fechu, entrugaron cómo yera posible que hubiese menos muyeres que homes nel cine… tema pa llargo.
Dempués les presentaciones y los curtios descubrimos l’emoción de munches por ver, gracies a la perguapa historia de Trapiello, que los fueos articiales nun pueden esconder les miseries d’un pueblu que tovia anguaño busca a los sos muertos.
Pa mi, un luxo, compartir “Cuscús” coles que son d’elli y d’acá, coles que saben que nun viven en llibertá y coles que busquen otros muros ente los que poder amar."
Melania Fraga
Melania Fraga
Ángeles Muñiz, Melania Fraga, Luis Trapiello y Teresa Marcos
Los mismos con un grupo de internas
No hay comentarios:
Publicar un comentario